بحـــــــــبك وانــــــــا كمـــــــــان(جتك وكسة)

،السلام عليكم ورحمة الله وبركاته ،

ازيكم .. عاملين ايه .. في مضووعى ده ناقش قضية .. يمكن 90% اتعرضولها ..

بس طبعا نتفق الاول انهاردة عليكم بكرة ان شاء الله معاكم <<<

نبدآ علي بركة الله ..

فلان .. ازيك ياقمر ..

فلانه .. الحمد لله تمام ..

فلان .. انا معجب جداً بردودك ومواضيعك ..

فلانه .. تسلم ربنا يخليك

فلان .. انتى بجد بنت محترمة اوى وانا معجب جداً باخلاقك .. واحترامك لنفسك ..

فلانه .. شكرا كلك ذوق

بعد يومين ..

فلان .. (وحاطط فيس زعلان ) ازيك ؟

فلانه .. الحمد لله .. مالك فيك حاجة ؟

فلان .. ابدا شويه مشاكل .

فلانه .. خير ان شاء الله .. احكيلي .. ؟

فلان .. مش هينفع دلوقت انا لازم اخرج ..

فلانه .. اتفضل . ربنا معاك .

بعد ساعتين ..

فلان .. (علي الخاص بقا ) ازيك يافلانه ..
انا اسف جداً علي قلة ذوقي معاكى .. انا دخلت مخصوص عشان اعتذرلك .. ولو
تسمحى انا محتاج حد بحترمه احكيله عن مشكلتى ضيفي الايميل ده عندك ..
(اشتغاله آت اشتغاله دوت كوم )

فلانه .. انت عارف انى مبضفش حد خالص ماالص .. بس انا واثقه فيك وهضيفك ..

ع الايميل ..

(فلان ) .. اهلا بيكى ياقمر نورتى الميل الميل بيرقص وبيتنطط من فرحته بيكي ..

( فلانه ) هههههـ، ميرسي اوى

(فلان ) .. الله اجمل ضحكة و ميرسيه اتكتبتلي .. انتى اسمك الحقيقي ايه ؟

( فلانه ) (كزفتني يامضروب ) نونا

(فلان ) الله فعلا انتى اسمك من النون كده جميل ورقيق

( فلانه ) ثانكس الوت ..

(فلان ) انا نادر ومن انهاردة تدلعيني بنونا .. .. سبحان الله زى ما يكون القدر بيجمعنا حتى دلعنا زى بعض ..

( فلانه ) سبحان الله ..فعلا

(فلان) انا نادر وبشتغل ( طور ف الجامعة )
قصدى دكتور في الجامعة .. وعندى 27 سنة .. وعندى املاك كتيررررررر .. وعايش
وحدى في الفله الطويلة العريضة اللى ورثتها عن بابي .. ومحلتيش غير عربية
هامرر .. وشويه فلوس في البنك .. وبدور علي بنت الحلال ..

( فلانه ) ( هى بقا ابتسامة من الودن للودن ) ربنا يرزقك الزوجة الصالحة ..

(فلان ) انا بصراحة ارتحتلك جداً ..ونفسي اكمل نص دينى وتكونى انتى مراتى .. وام اولادى ..

( فلانه ) ( ايه ده انت دحرجتنى خالص ) قصدى احرجتنى طب يالا تعالى يووه قصدى احنا لسه منعرفش بعض واهلى مستحيل يوافقوا علي النت ده

(فلان ) انا
هكون صريح معاكى .. انا امى عايزة تجوزنى بنت اختها .. وعمى عايز يجوزنى
بنته .. طبعا عشان الاملاك اللى عندى وانا طبعا مش ممكن اتجوز غير اللى
قلبي اختارها .. وانتى قلبي اللى اختارك وانا هطلع السما واقلبها ع الارض
واقوم الدنيا لحد ما اهلك يوافقوا عليا ..

( فلانه ) .. طيب ربنا معانا

بعد مرور اسبوع .. ولا حس ولا خبر للاستاذ نونا ..

(فلان ) ازيك يانونا

( فلانه ) الحمد لله .. انت ازيك وكنت فين كل ده ..

(فلان ) .. ابدا كان عندى مشاكل في الشغل وكده .. ومشاكل في البيت

( فلانه ) خير ان شاء الله .. قلقتنى عليك ؟

(فلان ) .. ابدا
فتحتهم ف موضوع جوازنا والدنيا اتشالت واتخبطت .. وقالو ازاى ومش ازاى
عايز تتجوز اتجوز حد من قرايبك متجبلناش واحدة غريبة وتدخلها وسطينا ..
روحت انا سبت البيت اليومين اللى فاتوا ولسه راجع .. اول ما دخلت قلت اكلمك
.. اطمنك واطمن عليكى

( فلانه ) لا حول ولا قوة الاّ بالله .. طب والعمل .؟

(فلان ) .. نانو عايز
اقولك علي حاجة .. انا اسف .. انا رجعت لقتهم جابو المآذون وجوزونى بنت عمى
وبنت خالتى غصب عنى .. والبنات مالهمش ذنب اطلقهم .. وياخدوا لقب مطالقات
.. خليكى جنبي متسبنيش لحد ما اخلص منهم .. بعد سنة ولا حاجة اذا يعنى
مخلفوش واذا خلفوا استنى لما الاولاد تكبر وادخلهم المدرسة ويروحوا الجامعة
واجوزهم واكون طلعت ع المعاش وافضالك ياجميل ..

( فلانه ) (وتلطم بالصوت الحياني )يالهووووووووووووووووووووووووووووووووووووووو وووو وووووى ..

...

يا اختي روحي جاتك وكسه

......

دى مجرد قصة من وحى خيالي بس متآكدة حصلت لنسبة كبيرة اوى من اللى موجودين ع
النت سواء في المنتديات او الفيس او اى نوع تواصل .. علي الانترنت ..

السؤال الذي يطرح نفسه الآن .. ياتري .. مين الجاني النت .. ولا الاشخاص اللى عليه ..؟

ياتري البنت موقفها غلط انها سمعت للشاب ده وحبيت تشوف اخر الحكايه ايه ؟؟

ياتري الولد كان بيشتغلها فعلا ؟ ولا هو واضح من البداية انه مش كويس والبنت بريئة ومفهمتش ؟؟

ياتري احنا ظالمين فلان ؟؟ وفعلا ظروفه وغصب عنه ؟؟

ياتري ايه المفروض كان يبقا رد البنت انها توافق .. ولا ترفض؟؟ وف كلا الحالتين ليه ؟؟